Lümbaqo 30-50 yaşlarda kişilərdə daha tez-tez müşahidə olunur.
Lümbaqo zamanı ağrı kəsici, deşici xarakter daşıyır. Ağrı əzələnin, sümüyün dərinliyində
yerləşir. Ağrı tutması zamanı, adətən, adam məcburi pozada donub qalır, belə ki,
hər hansı kiçicik hərəkət ağrını artırır. Güclü ağrı bir neçə dəqiqə, saat davam
edir, sonra tədricən azalır və, adətən, 7-10-cu gün tam kəsilir. Bəzən kəskin ağrı
gözlənilmədən, necə əmələ gəlmişdisə, eləcə də kəsilir.
Lümbaqo zamanı 5-7 gün ərzində ciddi yataq rejimi gözlənilməli, yataq yeri
sərt (taxta lövhənin üzərinə nazik döşək sərilir) və hamar olmalıdır. Xəstələrə
qeyri-narkotik analgetiklər (analgin, reopirin, baralgin), əzələ tonusunu azaldan
preparatlar (midokalm, skutamil), yerli olaraq ultrabənövşəyi şüalanma, bel nahiyəsinin
dərisinə ağrıkəsici məlhəmlər - finalqon, menovazin, efkamon, kamfora spirti və
s. təyin edilir, refleksoterapiya vasitələri tətbiq edilir.
No comments:
Post a Comment
Şərhlərinizi bura yaza bilərsiniz.